ဒီဘလော့လေးမှာ တင်ထားစာသားလေးတွေကိုဖိတ်မိသူတိုင်းလည်းဖတ်ဖြစ်မှာပါ။အားပေးပြီးလာလည်ကြတဲ့အွန်းလိုင်းမိတ်ဆွေများကို
လည်းအထူးကျေးဇူးတင်ရှိပါတယ်။ ဦးဇင်းကတော့ ပညာရေးကိုပဲအဓိကထားပြီးရေးနေတာပါ။ ပညာရေးဆိုတဲ့စကားလုံးကတော့ အရမ်းကိုလည်းမြင့်ပါတယ်။ စကားထဲမှာထည့်ပြောဖို့တောင် အင်အားမရှိသေးပါဘူး။ သို့သော်လည်းလူတွေသုံးနေကျစကားအတိုင်းပဲပြောလိုက်ပါတယ်။ ဦးဇင်းကတော့ အတွေးခေါ်ပိုင်းနဲ့ဆိုင်သော ဒဿနိက တခန်းအနေဖြင့်ပြောချင်တာပါ။ ကိုရင်လေးအရွယ်၊ ဗုဒ္ဓပါဠိဘာသာများကို ဆရာသမားတွေဆီက အတိုင်းတာထိ လေ့လာသင်ယူခဲ့ပါတယ်။ ဗုဒ္ဓဟောခဲ့တဲ့ အခြေခံစာတွေကို လေ့လာခဲ့တယ်။ ဒါပေမဲ စဉ်းစားနိုင်လောက်တဲ့ အတွေးမဝင်ခဲ့ပါဘူး။ အခုတော့ လောကမှာဖြစ်ပျက်ပြောင်းလဲနေတာတွေကို မိမိသင်ထားသောစာပေ။ ဆရာတော်များထံမှာ နာကြားရသော တရားများကြောင့် တစိပ်တဒေသ စဉ်းစားလာပါတယ်။ တကယ်တော့ လူသားတိုင်းဟာစာတတ်ဖို့ အရေးကြီးပါတယ်။ တချို့ကလည်းပြောကြပါတယ်။ စာတတ်တိုင်းလည်းပညာမတတ်သေးတဲ့။
အလိမ်မာ စာမှာရှိ၏ ဟုလည်းပြောကြသေးတယ်။ ဆရာတော်ဦးသုမင်္ဂလ မိန့်ကြားတဲ့တရားကိုလည်းနည်းနည်းအာရုံစိုက်မိပါတယ်။ စာတတ်တာ။ ပညာတတ်တာထက် အဓိကတော့ အသိဥာဏ်ရှိဖို့က ပို၍အရေးကြီးပါတယ်။ ဝေဖန်တယ်ဆိုတာလည်း တရားမျှတမှု့နဲ့ ဝေဖန်လိုက်တာက ပို၍အကျိုးရှိပါတယ်။ ကိုယ်မကြိုက်ပဲ မကြိုက်တဲ့ဘက်ကိုဦးတည်းပြီးဝေဖန်လိုက်တာကတော့ အားလုံးအတွက် စိတ်ဆင်းစရာတွေ စတဲ့အကျိုးဆက်တွေဖြစ်လာပါတယ်။ ရဲရဲင့်တယ်ဆိုတာလည်း
နေရာတိုင်းမှာ ရဲရဲ့လို့တော့မကောင်းပါ။ ကောင်းတာလုပ်ဖို့ရဲတာကတော့ ကောင်းပါတယ်။ မကောင်းတာလုပ်ဖို့ ရဲရဲ့တာကတော့ တော်တော်ဆိုးပါတယ်။ လူသားတိုင်းလက်မခံကြပါ။
လူသားတိုင်းလက်ခံအောင်၊ ချမ်းသာအောင်၊ မိမိတို့အကျိုးသူတပါးအကျိုး ကောင်းကျိုးတွေဖြစ်ထွန်းအောင်
ဝိုင်းဝန်းလုပ်ဆောင်ပေးဖို့ ကမ္ဘာကြီးမှာ လိုအပ်နေပါတယ်။ ပညာရေးလောကမှာ တစ်ယောက်ကိုတစ်ယောက် သူကတော်တယ်။ ငါကညံ့တယ်ဆိုပြီး အပြိုင်အဆိုင်တွေနဲ့ မာနတွေထောင်ပြီး
လှမ်းတက်နေကြတဲ့သူတွေလည်း ပညာတတ်ပြီပြီ ပညာနို့ရည်သောက်စို့ဖို့ ဆာလောင်နေကြတဲ့လူသားတွေကို အချိန် တိုက်ကျွေးဖို့လိုအပ်နေပါပြီ။ ကြိုက်မရှက်၊ ငိုက် မရှက်၊ ငတ်မရှက်ဆိုသလို၊ ပညာနိ့ရည်ငတ်နေကြတဲ့ လူတွေ ဒီကမ္ဘာကြီးမှာ အများကြီးပါ၊ အသိဥာဏ်တခု ခေါင်းထဲမှာ ဝင်ရောက်ခံရတဲ့ လူသားတစ်ဦးဟာ ဘယ်သူ့ကိုယ်မှ စိတ်ဆင်းရဲအောင် မလုပ်တော့ပါ။
ဒေါသ ( စိတ်ဆိုးတယ်ဆိုတာ- မကောင်းသော စိတ်ပါ) မကောင်းစိတ်လို့လည်း လူတိုင်းသိကြပါတယ်။
မကောင်းသောစိတ်ဟာ ကိုယ့်ကိုသာမက၊ ဟော လူသားတိုင်း တိရိစ္ဆာန်တွေ၊ တောတွေ တောင်တွေ၊ အရာအားလုံးကိုပျက်စီးစေပါတယ်ဆိုတာ အားလုံးသတိထားသင့်ပါတယ်၊ သဘာဝနဲ့ ပတ်ဝန်းကျင်ကို ထိန်းသိမ်းဖို့ ပညာတွေသင်နေတာဟာ ဒီကမ္ဘာကြီးကို ရည်ရှင်တည်တဲ့ခိုင်မြဲစေချင်လို့ပါ၊ ပျော်ရွှင်စရာကောင်းတဲ့ ကမ္ဘာကြီးဖြစ်စေချင်လို့ပါ။ ဒီပညာတွေကို အနောက်တိုင်းသိပ္ပံပညာရှင်တွေကသင်ပေးလိုက်တဲ့ပညာရပ်ပါ။ ဘုရားသခင်ဖန်းတီးထားတဲ့ဒီကမ္ဘာကို ဒီလူတွေက လိုက်ဖျက်နေရင် ဒီလူတွေကို ဘုရားသခင်ကပဲ အချိန်မဆိုင်းဘဲ အပြစ်ပေးတော်မူပါလိမ့်မယ်၊
လောကလူသားတွေအတွက် ဘုရားသခင်ဖန်းဆင်းပေးတော်မူခဲ့တဲ့ ဒီကမ္ဘာလေးကို ခြေထောက်နဲလိုက်ဖျက်ဆီးနေတဲ့လူတွေ အားလုံးဒုက္ခရောက်ရပါလိမ့်မယ်၊ ဘုရားမြတ်စွာကတော့ ကိုယ်ပြုတဲ့ကံ ကိုယ်သာခံဆိုတဲ့အတိုင်းပေါ့၊ သတ္တဝါတွေ- မိမိပြုလုပ်လိုက်တဲ့ကံတရားဟာ၊ အဲ့ဒီကံတရားရဲ့အကျိုးတရားများ မိမိနောက်ကို လှည်းဘီးလို၊ အရိပ်လိုနောက်က လိုက်ပါနေတယ်ဆိုတာကိုလည်း မိမိတို့မှာ သတိသံဝေဂတရားများကို ရင်ဝယ်မှာပိုက်ထားဖို့အချိန်ေ၇ာက်နေပါပြီ။
ဦးသုစိတ္တ ( မာဂဓတက္ကသိုလ်)
No comments:
Post a Comment