တိပိဋကဓရ ဓမ္မဘဏ္ဍာဂါရိက ဆရာတော် ဘဒ္ဒန္တ ဣန္ဒပါလ ၏ သြဝါဒကထာ
ပုထုဇဉ်ဟူသည် လောဘ၊ ဒေါသ၊ မောဟ၊ မာန၊ ဣဿာ၊ မိစ္ဆရိယ အစရှိသော ကိလေသာ အကုသိုလ်တို့ အပြည့်အဝရှိနေခြင်းကြောင့် အမှားနှင့် မကင်းနိုင်ပါပေ။ သို့သော် အမှားတွေ့တိုင်း ပြဿနာလုပ်ကြစတမ်းဆိုလျှင် အဖွဲ့အစည်းလုပ်ငန်း မည့်သို့မျှ အောင်မြင်မှု ရနိုင်မည်မဟုတ်ပါ။ အောင်မြင်မှု ရလိုလျှင် အမှားကိုသည်းခံ ခွင့်လွှတ်နိုင်ဖို့ လိုအပ်ပေသည်။
အမှားဟူသည်မှာလည်း…
၁။ ခွင့်မလွှတ်နိုင်သော အမှားကြီးနှင့်
၂။ ခွင့်လွှတ်သည်းခံလို့ရသည့် အမှားငယ်ဟူ၍ ရှိရာ အမှားကြီးလျှင် “သဗ္ဗေသတ္တာ ကမ္မသကာ”ဟု သဘောထားကာ စည်းကမ်းအရ ဆောင်ရွက်သင့်သည်။ အမှားငယ်ကိုမူကား သည်းခံခွင့်လွှတ်ခြင်းဖြင့် ဆက်လက်လက်တွဲသင့်လှပေသည်။ သို့ဖြစ်၍ အဖွဲ့အစည်း တစ်ရပ်၏ အောင်မြင်ကြောင်းတွင် အင်္ဂါရပ်အဖြစ်ဖြင့် ခန္ဓီဂုဏ်ကို ဥပေက္ခာမပြုသင့်ပေ။ မည်သို့ပင်ဖြစ်စေ သည်းခံခွင့်လွှတ်ခြင်းသည် သာလျှင် အကောင်းဆုံး ဖြစ်ပေလိမ့်မည်။
No comments:
Post a Comment