ဘုရားမြတ်စွာသာသနာတော်နှင့်ဆုံးဆည်းခွင့်ရခြင်းသည်ကောင်းသောအခွင့်ရေးကြီးတစ်ခုဖြစ်ပါသည်။
ထိုအခွင့်ရေးကြီးကိုသူတော်ကောင်းများသည်အခွင့်ခါကိုမလွတ်စေပဲကျင့်ရမည်ဖြစ်သောလမ်းစဉ်များကို
လိုက်နာကျင့်ဆောင်ကြနေကြပါသည်။လိုက်နာကျင့်ဆောင်ရသည်မှာဘုရားဟောတရားတော်များ
ပင်ဖြစ်ပါသည်။ ထိုတရားတော်တို့သည်နံပါတ်(၁) လိုက်နာရမည်စမ်းကမ်းချက်(ဝိနည်း) တနည်းအားဖြင့် (သီလ) တနည်းအားဖြင့် စည်းကမ်းများပင်ဖြစ်ကြပါသည်။ နံပါတ်(၂)သုတ္တာန် (သမာဓိ)ကိုဆိုလိုပါသည်။
သမာဓိဆိုသည်မှာမိမိ၏လုပ်နေသောလုပ်ငန်းများကိုစူးစူးစိုက်စိုက်နဲ့တည်တည်ငြိမ်ငြိမ်
လုပ်ဆောင်ရမည်ဖြစ်ပါသည်။ သမာဓိဖြင့်လုပ်ဆောင်နေသောလုပ်ငန်းများသည်အောင်မြင်မှုဖြင့် ပန်းတိုင်ကိုရောက်ကြပါသည်။ (၃)အမြင့်ဆုံးအသိပညာ( အဘိဓမ္မာ) ပင်ဖြစ်ပါသည်။ ထိုသိုအားဖြင့် တရားတော်သုံးမျိုးကိုဘုရားရှင်ဟောကြားတော်မူခဲ့ပါသည်။ ထိုတရားတော်တို့ကို သိဖို့ရန် လေ့လာရမည်ဖြစ်ပါသည်။ လေ့လာရုံဖြင့်မကျင့်နိုင်လျှင်လည်း တရားတော်၏အကျိုးတရားများကိုမရရှိနိုင်သေးပါ။ ထို့ကြောင့် သဘောပေါက်အောင်လေ့လာခြင်းသည်ပင် (၁) ပရိယတ္တိသာသနာဟုခေါ်ဆိုပါသည်။ သဘောပေါက်ပြီး၍ကိုယ်တိုင်အားထုတ်ခြင်းကို(၂) ပဋိပတ္တိသာသနာဟုခေါ်ဆိုပါသည်၊ အရှိကိုအရှိတိုင်းသဘောပေါက်၍ ရရှိခံစားစံစားရမည်ဖြစ်သောတရားတော်ကို (၃) ပဋိဝေဓ သာသနာဟုခေါ်ဆိုပါသည်။ ထိုတရားတော်တို့ထဲမှာ မိမိတို့ကြိုက်နှစ်သက်သော တရားတော်တမျိုးမျိုးကိုတခုတည်းသောသမာဓိစိတ်ဖြင့်အားထုတ်ဖို့ရန် တရားတော်ဂုဏ်ပုဒ်နဲ့အညီ မြတ်တရားတော်မှ အမြဲကြိုဆိုလျက်ရှိပါသည်။ ဧဟိပဿိကော- လာခဲ့စမ်းပါ၊ ပွားများလှဲ့စမ်းပါဟုဖိတ်ခေါ်လျက်ရှိပါသည်။ သတ္တဝါတိုင်းသည် နေ့စဉ်နေ့တိုင်း စားယင်းသောက်ယင်းလုပ်ကိုင်ယင်းဖြင့် လောကီအကျိုးကိုမျှော်ကိုးကာ တနေ့ပြီးတနေ့လွန်မြောက်စေခဲ့ပါသည်။ ကျော်လွန်ဖြတ်သန်းသွားခဲ့သော အချိန်များကိုလည်းအမှတ်တမဲ့မေ့မျောနေခဲ့ကြပါသည်။ မြတ်ဘုရားသာသနာသည် စကားထက်အလုပ်ကိုပို၍တန်းဖိုးထားပါသည်။ လက်တွေ့လုပ်ရသော ဘာသာလည်းဖြစ်ပါသည်။ ဘုရားသာသနာတော်ကိုယုံကြည်ကိုးကွယ်နေကြသောလူအချို့တို့သည် မိမိတို့ကိုယ်တိုင်မကျင့်ပဲ၊ မလိုက်နာပဲ အပြောဖြင့် တတ်ရောင် နတ်ယောင် သိသယောင်ဖြင့်ဝေဖန်နေကြကိုအချို့သော ဘာသာခြားများလည်း ကဲ့ရဲ့နေကြသည်ကိုတွေ့ရပါသည်။ မြတ်ဘုရားသည် သတ္တဝါအားလုံးတို့ကိုသနားတော်မူ၍လမ်းပြလိုသောစိတ်ထားဖြင့် ၄၆ ဝါကာလကြာ မနေမနားတရားတော်ဆေးများကိုကိလေသာရောဂါများကင်းပျောက်စေရန် သတ္တဝါ များအားကုစားပေးတော်မူခဲ့ပါသည်။
မြတ်ဘုရားပေးခဲ့သော အသိပညာရပ်များသည် လောကီအတွက်တင်မက လောကုတ္တရာ အထန်းတန်းကျကျ မြင့်မြတ်သောလူသားဖြစ်စေပြီး သံသရာဝဋ်ဆင်းရဲမှလွတ်မြောက်အောင်ပေးစွမ်းနိုင်ပေသည်။ မြတ်ဘုရား၏တရားတော်များသည်လည်း
ရှောင်ရမည့်နည်းလမ်းများနှင့်လိုက်နာရမည့်နည်းလမ်းများကိုပါပြသထားပါသည်။ မြတ်ဘုရား၏
မြတ်တရားဆေးတော်များကိုသောက်သုံးရန်ငွေကုန်စရာမလိုပဲ ကိလေသာရောဂါများကင်းပျောက်စေပါသည်။ မြတ်တရားတော်ဆေးများသည်
အခမဲ့ကုသပေးနေပါသည်။ ဤကဲ့သို့ ချိုသာသော အေးမြသော ဓမ္မသံစဉ်တော်ဖြင့်လာခဲ့စမ်း၊ ရှု့လှဲ့စမ်းပါဟုအစဉ်ထာဝရ ဖိတ်ခေါ်လျက်ရှိပါသည်။
အားလုံးကျမ်းမာလို့ချမ်းသာ ဘေးကင်းကွာ အေးချမ်းကာ တရားထူးများရနိုင်ကြပါစေ
.............................................................................
အရှင်သုစိတ္တ ( မဟာချူလာတက္ကသိုလ်-ချင်းမိုင်)
No comments:
Post a Comment